Kryeministri i Malit të Zi, Milojko Spajiç ka njoftuar heqjen e imunitetet per pushtetaret, duke deklaruar se anëtarët e qeverisë do të kenë të njëjtën përgjegjësi si çdo qytetar tjetër për veprat penale të lidhura me korrupsionin.
Përmes një reagimi në rrjetet sociale, Spajiç bëri të ditur se është miratuar Propozimi për ndryshimin e Kushtetutës, me synimin që funksioni politik të mos shërbejë më si mbrojtje ndaj përgjegjësisë penale.
“Që nga sot, anëtarët e Qeverisë së Malit të Zi janë të barabartë me të gjithë qytetarët për sa i përket përgjegjësisë për veprat penale korruptive”, shkroi Spajiç.
Sipas kryeministrit malazez, ndryshimi përbën një hap të rëndësishëm drejt krijimit të një sistemi ku askush, pavarësisht funksionit që mban, nuk qëndron mbi ligjin.
Od danas su članovi Vlade Crne Gore, izjednačeni sa svim građanima po pitanju odgovornosti za koruptivna krivična djela!
— Milojko Spajić (@MickeySpajic) September 3, 2026
Usvajanjem Predloga za promjenu Ustava, politička funkcija više ne može biti zaštita od krivične odgovornosti. Time Crna Gora pravi važan korak ka sistemu u… pic.twitter.com/Ec5NMSYZSf
“Me miratimin e Propozimit për ndryshimin e Kushtetutës, funksioni politik nuk mund të jetë më mbrojtje nga përgjegjësia penale. Me këtë, Mali i Zi bën një hap të rëndësishëm drejt një sistemi ku askush, pavarësisht funksionit që ushtron, nuk është mbi ligjin”, deklaroi ai.
Spajiç theksoi se personat që ushtrojnë detyrën me ndershmëri dhe përgjegjësi nuk kanë arsye t’i druhen përgjegjësisë ligjore.
“Është e thjeshtë: kush e kryen punën me ndershmëri dhe përgjegjësi, nuk ka arsye të ketë frikë nga përgjegjësia dhe as të mbrohet pas funksionit”, u shpreh kryeministri i Malit të Zi.
The post Mali i Zi heq imunitetin e qeveritarëve për veprat penale të korrupsionit, Spajiç: Kush e bën punën me ndershmëri s’duhet të ketë frikë appeared first on Gazeta Express.
