Këshilli Prokurorial i Kosovës (KPK), pas kërkesës së Kryeprokurorit të Shtetit, Zejnullah Gashi, në mbledhjen e së mërkurës, ka iniciuar hetim disiplinor ndaj Kryeprokurorit të një Prokurorie Themelore në Kosovë.
Sipas burimeve të “Betimi për Drejtësi”, bëhet fjalë për Kryeprokurorin e Prokurorisë Themelore në Ferizaj, Burim Çerkini për një rast në Prokurori Speciale.
Në këtë takim, po ashtu u raportua për punën e Prokurorisë Speciale gjatë vitit 2025. Raportimin e bëri Kryeprokurori i kësaj Prokurorie, Blerim Isufaj. Por, raportin nuk e votoi Këshilli.
Po ashtu, raportoi edhe Kryeprokurori i Prokurorisë së Apelit, Agron Bajrami. /BetimipërDrejtësi/
The post Mbledhja e KPK-së, raportohet se u iniciua procedurë disiplinore ndaj Kryeprokurorit Burim Çerkini appeared first on Gazeta Express.
