Anëtarja e Kryesisë së LDK’së, Sibel Halimi, ka shkruar pas mbledhjes që sot kanë mbajtur e ku kanë diskutuar për kandidaturën e Bekim Sejdiut për president.
Halimi ka thënë se kanë votuar me unanimitet të plotë në Kryesi dhe sipas saj LDK po e dëshmon që interesi dhe stabiliteti i Kosovës janë mbi çdo interes tjetër.
Postimi i plotë:
Sot, me unanimitet të plotë, votuam nominimin e profesor Bekim Sejdiu për President të Republikës së Kosovës.
Një kandidaturë që përfaqëson integritetin, profesionalizmin dhe përvojën institucionale që i duhen vendit në një moment të rëndësishëm për stabilitetin dhe funksionimin e institucioneve.
Besojmë se profesor Sejdiu, me përvojën e tij akademike, diplomatike dhe kushtetuese, do ta përfaqësojë Republikën me dinjitet, paanshmëri dhe përgjegjësi, duke qëndruar mbi ndarjet politike dhe duke mbrojtur interesin e shtetit.
LDK, edhe këtë herë, dëshmon se interesi i Republikës dhe stabiliteti institucional janë mbi çdo interes tjetër.
The post Sibel Halimi: Kryesia ishte unanime për emrin Bekim Sejdiut, LDK po e dëshmon se interesi i Kosovës është mbi të gjitha appeared first on Gazeta Express.
