Dogana e Kosovës ka publikuar buletinin mujor për gushtin 2026, duke raportuar rritje të të hyrave dhe intensifikim të aktiviteteve kundër kontrabandës dhe ekonomisë joformale.
Sipas të dhënave të Doganës, të hyrat doganore gjatë gushtit arritën në 194.38 milionë euro, që paraqet rritje prej 5.2 për qind, apo mbi 9.6 milionë euro më shumë krahasuar me të njëjtën periudhë të vitit të kaluar.
Në kuadër të luftës kundër kontrabandës së barnave, autoritetet kanë sekuestruar 2,161 pako me barna, të cilat ishin pa dokumentacion përkatës dhe pa banderola të Republikës së Kosovës.
Ndërkohë, gjatë kontrolleve në tri lokale në Prishtinë, janë ndaluar gjithsej 23,918 artikuj të ndryshëm, të cilët janë proceduar për trajtim të mëtejshëm.
Gjatë muajit gusht është zhvilluar edhe një takim me Administratën Doganore të Maqedonisë së Veriut, me fokus në lehtësimin e tregtisë dhe forcimin e bashkëpunimit në luftën kundër kontrabandës.
Dogana e Kosovës ka bërë të ditur se do të vazhdojë angazhimin për mbrojtjen e interesave fiskale, luftimin e aktiviteteve të paligjshme dhe lehtësimin e tregtisë së ligjshme.
The post Dogana e Kosovës thotë se ka rritje të të hyrave në gusht, arkëtohen 194.38 milionë euro appeared first on Gazeta Express.
