Qendra Emergjente e QKUK-së ka njoftuar se gjatë 24 orëve të fundit ekipet mjekësore kanë ofruar gjithsej 331 shërbime emergjente për qytetarët.
Sipas njoftimit të QKUK-së, 79 pacientë janë trajtuar në Reanimim, 111 në Emergjencën Internistike, 56 në Emergjencën Kirurgjike dhe 62 në Emergjencën Ortopedike.
Në Sallën e Vogël janë trajtuar 23 pacientë, të cilëve u janë ofruar shërbime për qepje, përpunim dhe pastrim të plagëve.
Në mesin e rasteve të trajtuara janë evidentuar edhe 3 persona të përfshirë në përleshje fizike, si dhe 25 persona të lënduar si pasojë e aksidenteve në trafik.
Ndërkohë, gjatë 24 orëve të fundit janë realizuar 36 pranime për trajtim në klinika të ndryshme të QKUK-së.
QKUK ka bërë të ditur se puna në Qendrën Emergjente po vazhdon pandërprerë, me qëllim që pacientëve t’u ofrohet kujdesi dhe shërbimi i nevojshëm në kohën e duhur.
