Para dorëzimit të kallëzimit penal në Prokurorinë Speciale, Kryesia e Aleancës, së bashku me Grupin Parlamentar, ka protestuar sot para ndërtesës së Qeverisë, në shenjë të pakënaqësisë ndaj bllokimit institucional dhe uzurpimit të hapësirave që u takojnë institucioneve të Republikës së Kosovës.
Përfaqësuesit e Aleancës kanë theksuar se situata aktuale institucionale është e papranueshme dhe se institucionet e vendit duhet të jenë të hapura dhe funksionale, në përputhje me Kushtetutën dhe ligjet e Republikës së Kosovës.
“Mesazhi ynë është i qartë: Shteti nuk mund të funksionojë me dyer të mbyllura, me institucione të bllokuara dhe me hapësira të uzurpuara”, ka deklaruar Aleanca.
Protesta u zhvillua pak para dorëzimit të kallëzimit penal në Prokurorinë Speciale, lidhur me vendimet që Aleanca i konsideron antikushtetuese të Qeverisë në detyrë.
The post Para dorëzimit të kallëzimit penal, Kryesia e Aleancës proteston para Qeverisë appeared first on Gazeta Express.
