Dyshohet se kontrabandoi migrantë me kamion, një person ndalohet në Han të Elezit

Një shofer kamioni është shoqëruar në stacionin policor në Han të Elezit, pasi nga rimorkioja e kamionit të tij dyshohet se kanë dalë katër persona të panjohur.

Sipas Policisë së Kosovës, njëri prej tyre është ndaluar nga policia, ndërsa tre të tjerët kanë arritur të largohen.

Një shtetas i huaj dyshohet se ishte kontrabanduar nga i dyshuari.

“Njësia përkatëse është duke u marrë me rastin”, thuhet në raportin e policisë.