Deputeti i Lëvizjes Vetëvendosje, Enver Haliti ka deklaruar se bisedimet me Lidhjen Demokratike të Kosovës për tejkalimin e bllokadës në Kuvend po vazhdojnë dhe se palët janë në rrugë të drejt për zgjedhjen e presidentit të Kosovës.
Haliti ka thënë se një dakordim për një kandidat konkret për president do të mundësonte zhbllokimin e shpejtë të procesit institucional.
“Bisedimet me LDK-në po vazhdojnë dhe duket që janë në rrugë të mbarë që të kemi një përafrim sa i përket zgjedhjes së presidentit të Kosovës”, ka deklaruar Haliti për Frontonline.
Sipas tij, në momentin që arrihet marrëveshje për një emër të përbashkët, procesi për formimin e institucioneve pritet të përmbyllet brenda një kohe të shkurtër.
“Në momentin që arrihet një dakordim për një emër të përveçëm, atëherë në kohë shumë të shpejtë do t’i kemi të gjitha institucionet e zgjedhura”, ka thënë deputeti i LVV-së.
The post Deputeti i LVV-së: Bisedimet me LDK-në po ecin mirë, jemi në rrugë të mbarë për presidentin appeared first on Gazeta Express.
