Ushtria amerikane ka publikuar pamje të aeroplanmbajtëses USS George Washington duke kaluar nëpër Ngushticën e Malakës, mes Malajzisë dhe Indonezisë, dhe duke kryer operacione fluturimi në Oqeanin Indian.
Videoja me kalim të shpejtë të kohës (time lapse), për të cilën ushtria tha se është regjistruar më 13 gusht, tregon kuvertën e anijes luftarake teksa ajo lundron nëpër një nga rrugët ujore më të ngarkuara në botë.
George Washington është në rrugë drejt Lindjes së Mesme për të zëvendësuar USS Abraham Lincoln, e cila ka qëndruar në det për një dislokim të zgjatur për shkak të luftës me Iranin, duke ngritur shqetësime te ligjvënësit dhe familjet e ushtarakëve.
Një marinar ra në det në fillim të këtij muaji nga Abraham Lincoln, u thanë tre zyrtarë amerikanë CNN-së, mes raportimeve për përkeqësim të shëndetit mendor të anëtarëve të ekuipazhit në anije.
Pamje shtesë të publikuara nga ushtria pretendohet se tregojnë avionë duke kryer operacione fluturimi gjatë natës në bordin e George Washington të martën në Oqeanin Indian.
Zhvendosja e anijes drejt Lindjes së Mesme e lë SHBA-në pa asnjë aeroplanmbajtëse në teatrin e operacioneve në Paqësor.
The post Ushtria amerikane publikon pamje të dërgimit të aeroplanmbajtëses drejt Lindjes së Mesme appeared first on Gazeta Express.
