Kryetarët e komunave pritet të protestojnë më 3 shtator para ndërtesës së Qeverisë, në shenjë pakënaqësie për çështjet me të cilat po përballen komunat. kështu ka thënë deputetja e Aleancës për Ardhmërinë e Kosovës, Albana Bytyqi.
Sipas saj, secili kryetar i komunës do të angazhohet për të shprehur shqetësimet dhe pakënaqësitë e komunës që drejton, duke kërkuar që problemet e tyre të adresohen nga institucionet qendrore.
Bytyqi ka bërë të ditur se protesta nuk do të përfundojë me 3 shtator. Ajo ka paralajmëruar se, nëse kërkesat e komunave nuk marrin përgjigje, protestat do të vazhdojnë edhe pas kësaj date.
“Secili kryetar do të angazhohet për t’i shprehur shqetësimet e tyre. Pas 3 shtatorit, edhe ne do të vazhdojmë me protesta”, ka deklaruar Bytyqi për Indeksonline.
Protesta pritet të shërbejë si formë presioni ndaj Qeverisë për adresimin e kërkesave dhe shqetësimeve të komunave.
The post Deputetja e Aleancës: Kam informacione se kryetarët e komunave do të protestojnë para Qeverisë appeared first on Gazeta Express.
