“Sulmi ishte vetëm zgjedhja ime.” Kështu është shprehur biznesmeni italian Valter Lavitola nga burgu i Rebibbia-s në lidhje me sulmin me bombë ndaj gazetarit dhe prezantuesit të emisionit “Report”, Sigfrido Ranucci.
Avokati i tij, Arturo Cola, pas një takimi tre orësh me Lavitolan, deklaroi për mediat se ai po përjeton një situatë të vështirë psikologjike, pasi është penduar që u ka shkaktuar probleme njerëzve për të cilët kujdeset.
Sipas avokatit, Lavitola ka pranuar se vendimi për të kryer sulmin ishte i tij dhe se e kishte marrë me iniciativën e vet. Megjithatë, ai ka mohuar ekzistencën e një marrëveshjeje paraprake për sulmin.
“Lavitola po përjeton me siguri një situatë të vështirë psikologjike, sepse, me vullnetin e tij të lirë, u ka shkaktuar telashe dy personave që janë si një bir për të – Gomes dhe një vëlla”, duke iu referuar Ranuccit.
“Ai pendohet që i ka futur në telashe njerëzit për të cilët kujdeset. Zgjedhja për të kryer sulmin ishte vetëm e tij, me iniciativën e tij”, deklaroi avokati. /Panorama
The post Atentati ndaj gazetarit Sigfrido Ranucci, biznesmeni italian flet nga burgu: Sulmi ishte zgjedhja ime, më vjen keq që e futa vëllain tim në telashe appeared first on Gazeta Express.
