Tre mërgimtarët nga Kosova që humbën jetën tragjikisht në një aksident trafiku në Gjermani do të përcillen sot për në banesën e fundit, transmeton albinfo.ch.
Tahir Tahiri, Gentian Tahiri dhe Laurent Aliu do të varrosen në një ceremoni mortore që do të mbahet sot në orën 17:00, në lagjen Nuhaj të fshatit Komogllavë të Ferizajt.
Tre të rinjtë humbën jetën në aksidentin tragjik në Gjermani, teksa po udhëtonin nga Kosova drejt Gjermanisë, ku jetonin dhe vepronin.
Lajmi për vdekjen e tyre ka tronditur familjet dhe komunitetin, ndërsa sot familjarë, miq, të afërm dhe bashkëfshatarë pritet të mblidhen për t’u dhënë lamtumirën e fundit.
Ata do të përcillen për në banesën e fundit në një ceremoni mortore, ndërsa familjet do të përballen me dhimbjen e madhe të humbjes së tre të dashurve të tyre./Albinfo.ch
The post U aksidentuan rrugës për në Gjermani, sot varrosen në Ferizaj tre mërgimtarët nga Kosova appeared first on Gazeta Express.
