Organizata e Veteranëve të Luftës së UÇK-së dënon pa rezervë gjuhën e urrejtjes dhe kërcënimet e drejtpërdrejta ndaj Ramush Haradinajt, Komandantit të Zonës Operative të Dukagjinit, thuhet në reagimin e OVL-UÇK-së.
Në reagim theksohet se “thirrjet publike për dhunë janë akte kriminale. Ato godasin sigurinë publike, rendin kushtetues dhe vetë vlerat mbi të cilat u ngritën liria dhe shtetësia e Kosovës”.
“Përgëzojmë Policinë dhe Prokurorinë e Kosovës për punën e shpejtë në identifikimin dhe arrestimin e të dyshuarit. Ky veprim tani kërkon një proces ligjor po aq të rreptë, pa asnjë hapësirë për kompromis.
Çdo kërcënim i tillë duhet të përballet me gjithë forcën e ligjit.
Ngurrimi në këtë rast do të krijonte një precedent të rrezikshëm, duke trimëruar ata që duan të minojnë stabilitetin e Kosovës. Ky shtet ngrihet mbi sakrificën e atyre që e fituan lirinë, dhe kërcënimet ndaj tyre nuk do të tolerohen. Drejtësia duhet të veprojë me vendosmëri, t’i vërë shkelësit para përgjegjësisë dhe të shqiptojë dënimin që kërkon ligji”, thuhet në njoftim.
The post OVL-UÇK dënon kërcënimet ndaj Ramush Haradinajt: Përgëzojmë Policinë dhe Prokurorinë për arrestimin e të dyshuarit appeared first on Gazeta Express.
