Analisti Astrit Gashi ka komentuar nominimin e Agim Veliu nga dega e Lidhja Demokratike e Kosovës në Podujevë për deputet, e që sipas një postimi në Facebook të vetë Veliut del që ai nuk është konsultuar e as nuk është kontaktuar nga partia për një gjë të tillë.
Lidhur me këtë nominim të Veliut nga LDK-ja kanë shkruar edhe kreu i partisë, Lumir Abdixhiku, dhe kryetari i degës, Ekrem Hyseni.
Gashi ka thënë se të kandidohet dikush nga dega për deputet pa u pyetur fare është shumë e çuditshme.
“Me u qu dega për së kfjellti me të kandidu pa dashtë ti e as pa fol me ty, s’pasna ni që në politikë ndodh”, ka thënë ai.
Ai më tej është shprehur se javën e kaluar ka pasur negociata përmes njerëzve që Veliu të jetë pjesë e listës dhe sipas tij ka pasur “msit” përmes njerëzve të afërt, por ka shtuar se kthimi i Veliut pas mënyrës se si është larguar ai është e pamundur të bëhet përmes degës.
“Procesin ish dashtë me nis e me vazhdu vetë kryetari i LDK-së, Lumir Abdixhiku”, ka thënë ai.
