Deputetja e Vetëvendosjes, njëherësh ushtruese e detyrës së presidentes, Albulena Haxhiu, ka dhënë një shpjegim të saj kur u pyet nëse thirrja për vazhdimin e seancës konstituive pas afatit kushtetues përbën shkelje të Kushtetutës.
Sipas saj, as vitin e kaluar s’u mbyll konstituimi brenda 30 ditëve.
“Në vitin e kaluar prej momentit kur Gjykata Kushtetuese e ka marrë vendimin që brenda 30 ditëve duhet të konstituohet Kuvendi e deri në konstituim kanë kaluar diku 106 ditë, pra jo 30. Ia heqim këtu ditët kur janë trajtuar çështjet në Gjykatës Kushtetuese mbesin diku 59 ditë. Pra nuk është konstituuar as vitin e kaluar seanca brenda 30 ditëshit. Në anën tjetër, e dini sipas Kushtetutës, u.d. i presidentit duhet ta thërrasë seancën brenda 30 ditëve, tash po i mbetet deputetëve vetëm një ditë përpjekje të flasim për këtë interpretim – vetëm një ditë përpjekje për ta konstituuar Kuvendin. Kjo s’ka logjikë. Deputetët duhet ta kenë mundësinë që të bëjnë përpjekje maksimale për konstituimin”.
Më pas, ajo tha se “ka përpjekje”, që ajo s’po i kupton, që vendi të shkojë në zgjedhje të parakohshme.
“Kushdo që përpiqet e ka gabim. Na kanë votuar për marrëveshje dhe jo që të përpiqemi që ta çojmë vendin në zgjedhje. I thërras që të vijnë sot në seancë”.
The post Haxhiu me përgjigje të thjeshtë për kritikat e opozitës: As vitin e kaluar Kuvendi s’është konstituuar brenda 30 ditësh appeared first on Gazeta Express.
