Vetëm për një javë janë realizuar mbi 120 fluturime direkte drejt aeroportit “Adem Jashari” në Prishtinë, nga 40 aerporte të Gjermanisë, shkruan Zeri.info.
Këto statistika i ka bërë të ditur ambasadori i Kosovës në Gjermani, Faruk Ajeti, gjatë fjalës së tij në takimin e bizneseve gjermano-shqiptare, që po mbahet në Prishtinë.
Duke folur për bashkëpunimin e mirë ekonomik mes Kosovës dhe Gjermanisë, Ajeti përmendi edhe diasporën kosovare në Gjermani, të cilët këto ditë po vizitojnë vendlindjen, ndërsa përmendi edhe shifrat e fluturimeve, të cilat janë realizu
ar nga Kosova në Gjermani.
“Vetëm javen e kaluar janë realizuar 127 fluturime direkte nga Gjermania drejt Kosovës, këto fluturime nuk janë thjesht vetëm fluturime të pasagjerëve, por janë edhe qarkullin i kapitalit dhe dijes. Shumë ndërmarrës takimet paradite i bëjnë në Prishtinë dhe pasdite në Berlin ose kudo në Gjermani”, tha Ajeti.
Ajeti përmendi edhe faktin se mbi 600 mijë shtetas të Kosovës jetojnë në Gjermani. /Zëri
