Drejtori i Institutit për Drejtësi në Kosovë (IKD), Ehat Miftaraj, ka kritikuar ndërprerjen e seancës konstituive të Kuvendit dhe ka paralajmëruar pasoja kushtetuese nëse Kuvendi nuk konstituohet brenda afatit të paraparë.
Në Five në TV Dukagjini, Miftaraj tha se afati 30-ditor për konstituimin e Kuvendit është detyrim kushtetues dhe nuk mund të anashkalohet.
Ndërpritet seanca konstituive, Kurti kërkon kohë shtesë për diskutimet për presidentin
“Është e vërtetë që në bazë të Kushtetutës, dy aktgjykimeve të Gjykatës Kushtetuese zbatimi i afatit 30 ditor është detyrues, nuk është optimal, është imperativ. Në anë tjetër, mënyra se si shpërndahet Kuvendi është e përcaktuar në Kushtetutë dhe një ndër format nuk është edhe moskonstituimi i Kuvendit. Kështu që në këtë rast nëse Kuvendi i Kosovës nuk konstatohet, kjo tregon që Kuvendi i Kosovës, deputetet, partia që e ka barrën kryesore nuk ka as vullnet politik, e as respekt për parimet e sundimit të ligjit dhe qeverisjes së mirë. Kjo në farë mënyrë është tallje me Kuvendin…, tha ai.
Miftaraj tha se e sheh situatën si pjesë të një strategjie politike të kryeministrit në detyrë, Albin Kurti.
“Unë besoj që është strategji e kryeministrit Kurti dhe ka qenë strategji prej vitit 2020. Është strateg i delegjitimitetit të gjithckaje. Për të është e rëndësishme që të ketë një Kuvend që s’ka legjitimitet. Për shembull, është e vërtetë që nesër nëse nuk konstituohet Kuvendi do të kemi shkelje të aktgjykimit të GJK.
Po sot pati shkelje tjetër dhe hynë në sferën penale vetë kryeministri Kurti me një kallaballëk ministra. Ne kemi një aktgjykim të Gjykatës Supreme, i cili e përcakton në mënyrë të qartë që është konflikt interesi që t’i mbajnë njëkohësisht edhe pozitën e ministrit dhe të deputetit. Sot e ki Kurtin edhe deputet edhe kryeministër në detyrë. Tash me pas institucione kredibile, si Prokurorinë Speciale dhe Policinë, i njëjti ka kryer vepër penale, me qenë kështu të guximshëm që ta zbatojnë ligjin. Por, kryeministri Kurti e ka kuptuar shumë thjesht, tek ne me rëndësi është që ta deligjitimosh kritikën, institucionet e pavarur. Që të vijmë në një situate, ku secili frikohet që ta kryej punën e vet… Legjislatura e XI-të sot filloi me shkelë Kushtetutën, sot filloi me vepër penale”, deklaroi ai.
