Policia e Kosovës ka njoftuar se një grua në Ferizaj, mësimdhënëse, e ka gjetur një portofol me mbi 2 mijë euro dhe dokumente në të në afërsi të rrugës “Agim Matoshi” në Ferizaj.
Ajo i ka dorëzuar portofolin me paratë në stacionin policor në Ferizaj.
“Meqenëse pronari i portofolit ende nuk ishte identifikuar, hetuesit e stacionit policor kanë dalë në vendin e ngjarjes për verifikimin e kamerave të sigurisë në atë zonë. Më pas, në stacionin policor është paraqitur qytetarja me inicialet L.K. (22-vjeçare) nga Ferizaj, me banim të përkohshëm në Gjermani, e cila ka raportuar humbjen e portofolit. Pas verifikimeve të kryera nga ana e policisë, pronares së ligjshme i janë kthyer portofoli dhe paratë; 2030.85 euro”, thuhet në njoftim.
Sipas Policisë, ky veprim dëshmon një nivel të lartë të përgjegjësisë qytetare dhe forcon besimin e ndërsjellë mes policisë dhe komunitetit.
The post Mësuesja nga Ferizaj e gjen portofolin me mbi 2 mijë euro në rrugë dhe e dorëzon në Polici, paratë i kthehen pronares appeared first on GazetaBlic.
