Një grua është gjetur pa shenja jete në Rahovec, ndërsa rasti është duke u hetuar nga autoritetet kompetente.
Sipas raportit 24-orësh të Policisë së Kosovës, viktima është dërguar në Qendrën Kryesore të Mjekësisë Familjare (QKMF) në Rahovec, ku mjeku kujdestar ka konstatuar vdekjen e saj.
“Është raportuar se në QKMF Rahovec është sjellë pa shenja jete viktima femër kosovare. Vdekjen e viktimës e ka konstatuar mjeku kujdestar. Sipas dëshmitarit, viktima është gjetur e shtrirë në shtëpinë e saj”, thuhet në njoftimin e Policisë.
Policia ka bërë të ditur se në vendin e ngjarjes kanë dalë njësitet përkatëse për të kryer veprimet hetimore.
Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rasti është iniciuar si “Hetim i vdekjes”. /Telegrafi/
