Kompania Rajonale e Ujësjellësit “Prishtina” ka njoftuar se qyteti i Podujevës do të mbetet pa furnizim me ujë të pijshëm duke filluar nga ora 15:00 e së enjtes, për shkak të punimeve në gypin furnizues të Albanikut.
Sipas njoftimit, ndërprerja e furnizimit do të zgjasë deri në sanimin e plotë të defektit dhe rikthimin e sistemit në funksion normal.
KRU “Prishtina” bëri të ditur se ekipet teknike ndodhen në terren dhe janë duke punuar intensivisht për eliminimin e problemit dhe rikthimin sa më të shpejtë të furnizimit me ujë për konsumatorët e Podujevës.
Kompania u ka bërë thirrje qytetarëve për mirëkuptim deri në përfundimin e punimeve dhe normalizimin e gjendjes.
