Dyertë e panairit të librit që u hapën më 17 qershor, u mbyllën në ditën e pestë, pra këtë të dielë. Por edhe pak orë para se të përfundonte, qytetarë të shumtë, ia mësyen këtij panairi.
E shumë prej tyre, ishin ndalur pranë stendës së Shtëpisë Botuese “Dukagjini”, duke i përzgjedhur titujt e librave, që nuk kishin mundur t’i gjenin diku tjetër.
Njëri ndër ta, ishte edhe Alban Uskana.
“Dukagjini gjithmonë ka pru libra që ka qenë e pamundur me i gjetë ndoshta edhe në tregun e ballkanit. Libra të dizajnit, historisë. Pra, Dukagjini është i vetmi që t’i ofron”, ka thënë Uskana.
Në shtëpinë botuese “Dukagjini”, lexuesit u ballafaquan edhe me titujt ekskluziv.
“Në këtë panair ishin afro 50 tituj të rinj. Gjithashtu, kemi ekspozuar edhe tituj, që ishin në Panairin e Tiranës, por këtu u prezantuan për herë të parë”, ka thënë Liridona Bytyqi nga Shtëpia Botuese “Dukagjini’.
Në mesin e këtyre titujve, ishin edhe ata të autorëve me renome ndërkombëtare.
“Kemi lexues që e këkonin Hesse. Ne i kishim të prezantuar 16 libra të këtij autori. Poashtu, librat klasikë, ta zëmë të autorit George Orëell”, ka shtuar Bytyqi.
Ashtu si në panairët e kaluar, edhe kësaj radhe, “Dukagjini” ua mundësoi lexuesve që nga afër t’i takojnë autorët e librave.
