Çmimi i naftës ka vazhduar rënien edhe gjatë ditës së sotme, pasi investitorët po shfaqin optimizëm të kujdesshëm lidhur me marrëveshjen mes Shteteve të Bashkuara dhe Iranit për t’i dhënë fund luftës.
Nafta Brent, si standard global, është ulur me 2.6% dhe aktualisht po tregtohet rreth 81.05 dollarë për fuçi (rreth 60 euro).
Kjo rënie vjen pas një tjetër uljeje prej 4.5% të regjistruar një ditë më parë, menjëherë pasi SHBA dhe Irani njoftuan arritjen e marrëveshjes.
Megjithëse çmimet janë ulur ndjeshëm nga kulmi prej rreth 120 dollarësh gjatë konfliktit, ato mbeten ende më të larta se niveli prej rreth 70 dollarësh për fuçi që ishte para fillimit të luftës.
Ndërkohë, pas rritjes së tregjeve të aksioneve të hënën, indekset kryesore në Londër, Paris dhe Frankfurt kanë shënuar rritje të lehta deri të martën në mesditë.
