Përfaqësues të Departamentit të Thesarit të Shteteve të Bashkuara të Amerikës, Joseph W. Burke, Këshilltar për Krime Ekonomike në kuadër të Zyrës së Asistencës Teknike, dhe Norman Richard Smith, Këshilltar për Krime Ekonomike, zhvilluan një vizitë zyrtare në Prokurorinë Speciale të Republikës së Kosovës.
Siç bëhet e ditur në njoftimin zyrtar, në fokus të takimit ishte diskutimi lidhur me hetimin dhe ndjekjen penale të veprave që lidhen me pastrimin e parave.
Gjatë takimit u shkëmbyen përvoja dhe praktika profesionale në fushën e krimeve ekonomike dhe financiare.
Palët theksuan gatishmërinë për të vazhduar bashkëpunimin, me qëllim forcimin e sundimit të ligjit dhe luftën kundër krimit financiar.
