Tetë persona kanë humbur jetën pas një sulmi ajror izraelit në qytetin jugor libanez Tyre, raporton agjencia shtetërore e lajmeve në Liban (NNA), duke cituar Ministrinë e Shëndetësisë së vendit.
Sipas raportit, 32 persona të tjerë kanë mbetur të plagosur, ndërsa ekipet e shpëtimit po vazhdojnë punën për nxjerrjen e të mbijetuarve dhe pastrimin e rrënojave.
Ushtria izraelite po vazhdon të sulmojë Libanin jugor, një ditë pasi Irani bëri thirrje për ndalimin e sulmeve dhe kërcënoi me një “përgjigje të ashpër” nëse nuk do të ndodhte kjo.
Qyteti jugor i Tiros u godit këtë mëngjes, disa orë pasi Forcat Mbrojtëse të Izraelit lëshuan paralajmërime për evakuim .
Mediat libaneze raportuan se të paktën tre persona u vranë në sulme të ndara izraelite më herët gjatë ditës. Ushtria izraelite ende nuk ka komentuar mbi sulmet e së martës.
Irani dhe Izraeli ndërpresin luftimet: Të dy vendet thanë se kanë ndaluar sulmet ndaj njëri-tjetrit pasi Donald Trump u bëri thirrje të dy vendeve të ndalojnë menjëherë “të shtënat” të hënën.
