I ftuari i radhës në Blic Interview me Astrit Gashin është kandidati për deputet nga radhët e AAK-së me numër 8, Avni Arifi.
Arifi foli në lidhje me dëmtimin e raporteve që Qeveria Kurti ka bërë me SHBA-të dhe aleatët.
Ai potencoi se marrëdhëniet me krejt aleatët, jo veç SHBA-të, janë në nivelit më të ulët që nga ekzistenca e shtetit të Kosovës.
“Në krahinën socialiste autonome të Kosovë ka qenë sekretar për marrëdhënie me jashtë, Ukshin Hoti. Në atë kohë ka pas arrit me ba marrëveshje me universitetet amerikane. Krahinë e Jugosllavisë kemi qenë por në politikën e jashtme e kemi patur fokus, vizion. Pastaj me Ibrahim Rugovën, kudo që ka shku Rugova ka ndërtu ura të miqësisë, është trashëgu edhe pas luftës, edhe me Thaçin edhe me Haradinajn. Komplet koncepti i shtetit të Kosovës ka qenë në miqësi me SHBA-të dhe kjo është dëmtu rëndë. Roli i Vjosa Osmanit ka qenë i pjesshëm dhe kur është fol për energji kisha pas dëshirë që Osmani me fol në atë kohë. Edhe në 2021 nuk ka fol, Vjosa e ka ruajtur një dritare me Shtetet e Bashkuara të Amerikës dhe SHBA-të kanë bashkëpunuar me Vjosën. Kjo mënyrë e të mendusrit i kushtoi asaj me përkrahje nga Vetëvendosja por arriti të paktën nga Arabia Saudite dhe Turqia me na i siguru dy njohje. Vetë Presidentja Osmani sot nëse e pyesni dhe nëse do t’a thotë pa politikë dhe sinqerisht tregon se marrëdhëniet me krejt aleatët jo veç me SHBA-të, janë në nivelin më të ulët në histori të ekzistimit të shtetit të Kosovës, jo vetëm të shtetit të Kosovës por edhe të shqiptarëve të Kosovës” deklaroi Arifi raporton “Gazeta Blic”.
I pyetur në lidhje me deklaratat e Osmanit se marrëdhëniet me aleatët i ka ngritur në nivelin më të lartë…Arifi pati këtë përgjigje.
“Çdokush kur thotë se i kam rrit raportet, e pyet për rezultate, cilat janë rezultatet? Për gjashtë vjet janë vetëm tre njohje.Asnjë njohje nuk ka ardhur nga Qeveria.Çfarë është rezultat, nëse flasim për nivele më të larta, atëherë është ‘Bordi i Paqes’ dhe nëse po i referohet asaj dhe mënyrës se si hyri Kosova në ‘Bordit e Paqes’ i jap kredit sepse kemi mundur aty ekstra me u dëmtu dhe dëmi me qenë edhe më i madh për Kosovën dhe në këtë aspekt nuk e mohoj. Po që gjashtë vjet ka qenë Presidente e Kosovës dhe ti si Presidente nuk ke fol dhe në fund të mandatit kur sje më me të, po flet për dëmet që ja kanë bë Kosovës. Kanë bërë marrëveshje me Lajçak, çështjen e “Bondsteel”, fol kur je në pushtet, atëherë të besoj ” tha Arifi në ‘Blic Interview’ raporton “Gazeta Blic”.
/Gazeta Blic/
