Kandidati për deputet nga Lëvizja Vetëvendosje, Adnan Rrustemi, ka thënë se opozita ka për qëllim eliminimin politik të Kurtit dhe për këtë sipas tij, janë të gatshëm ta lënë vendin pas institucione, vetëm që Kurti të mos qeverisë.
Ai ka thënë se kjo parti është e vetmja që është e interesuar t’i jap vendit institucione pas 7 qershorit.
“LVV është e vetmja palë që është e interesuar për t;i garantuar vendin institucione pas 7 qershorit. Po kërkojmë mbështetjen e qytetarëve për të eliminuar barrikadat politike të vendosura në Prishtinë, që kanë për qëllim ta lënë Kosovën pa institucione”, ka thënë Rrustemi në emisionin “InfoNata” në Tëvë1.
Madje, ai ka thënë se opozita nuk garon për të fituar, por siç është shprehur Rrustemi për të zgjeruar “territorin në kuptim e bllokadave”
Ai ka thënë se këtë qëllim të opozitës e kanë kuptuar edhe qytetarët dhe sipas tij, ata e kanë në dorë që ta ndalin këtë plan të partive opozitare në legjislaturën e fundit.
“Qytetari e ka kuptuar që është në dorën e tyre për t’i eliminuar këto bllokada, këto pengesa dhe për t’i dhënë Kosovës institucione. E ka kuptuar planin e opozitës që është nisur vitin e kaluar e që është fuqizuar këtë vit, për ta eliminuar politikisht Albin Kurtin”, u shpreh ai.
