Kandidati i Lidhjes Demokratike të Kosovës (LDK) për kryeministër, Lumir Abdixhiku, ka deklaruar se zhvillimi i vendit kërkon investime konkrete dhe jo arsyetime, duke premtuar një paketë investuese në vlerë prej 5 miliardë eurosh.
Përmes një videoje të publikuar nga tubimet elektorale të mbajtura në kuadër të fushatës, Abdixhiku ka shpalosur vizionin e LDK-së për zhvillimin ekonomik të vendit, duke theksuar se ekonomia e fortë është baza e një shteti të qëndrueshëm.
“Shteti nuk mbahet vetëm më ndihma sociale, shteti mbahet me ekonomi të fortë, me investime, prandaj LDK-ja vjen me paketën më të madhe investuese që e ka pasur ndonjëherë Kosova jonë, me 5 miliardë euro investime dhe atë investime të vërteta”, ka thënë Abdixhiku.
