I ftuari i radhës në Blic Interview me Astrit Gashin është nënkryetari i PDK-së njëherësh kandidat për deputet në zgjedhjet e 7 qershorit, Uran Ismaili.
Ismaili tha se beson fuqishëm që është hap rruga që kryeministër të jetë tashmë Bedri Hamza.
“Unë besoj fuqishëm që është çel shtegu që kryeministër me qenë Bedri Hamza, e shoh shumë një mundësi të madhe që me e udhëheq ne Qeverinë, rrjedhimisht edhe opozitën me bë rreth vetes në mënyrë që me i dhënë Kosovës impulsin, energjinë ekonomike dhe energjinë e bashkëpunimit që po i mungon. E treta e vërteta por kjo e tretë e vërtetë nuk kisha thënë që është për opozitën sa është një mundësi, e treta e vërteta për qytetarin me pas një qeverisje e cila është 100% e fokusuar për t’a dhe për problemet që i kanë” deklaroi Ismaili.
I pyetur se pritet të rritet PDK-ja në këto zgjedhje nacionale në Prishtinë, Ismaili pati këtë përgjigje.
“Unë punoj gjithnjë për këtë drejtim, gjithmonë kemi patur trajektore të rritjes. Jam shumë optimist, unë e di që qytetarët janë të demoralizuar prej zgjedhjeve, këtë e kuptoj, prandaj edhe këtu po e bëj një apel që të mos rrinë në shtëpitë e tyre, të kuptojnë që vota e tyre është votë e rëndësishme, të dalin e të votojnë. E vetmja mundësi, politika, me u korigju me votën e qytetarëve, s’ka mundësi tjetër dhe mos t’a korigjojmë politikën për hatër të politikës, t’a korigjojnë politikën për hatër të jetës së tyre. Unë besoj se kësaj radhe kemi mundësinë ta kemi Qeverinë tonë. Elektoralisht mendoj se peisazhi politik është duke u ndërru, mendoj se nuk ka tashmë më blloqe tradicionale, Prishtina është duke tentu me ik nga blloqet tradicionale, nuk thehet ato për një ditë…. 5 vite më është dashur të punoj për me ardhë në një rezultat të tillë, mirëpo mendoj se në Prishtinë çdo ditë e më shumë ke hapësirë me diskutu me njerëz që ‘largohu nga ajo tradita e të votuarit po voto çfarë të bjen ty më mirë’ tha Ismaili raporton “Gazeta Blic”.
The post “Ata që ofendojnë Ramush Haradinajn, Dautin, Nasimin, Fatmir Limajn, Hashim Thaçin, Kadri Veselin nuk kanë gjak shqiptari” appeared first on GazetaBlic.
