Kandidati për deputet nga radhët e PDK-së, Arben Gega, ka folur për planet dhe zotimet e tij në rast se pas zgjedhjeve të 7 qershorit bëhet pjesë e Kuvendit të Kosovës, me fokus të veçantë në sektorin e ndërtimit dhe administratën publike.
Në një intervistë për GazetaBlic, Gega tha se si inxhinier i ndërtimtarisë përballet çdo ditë me burokraci të tepërt dhe procedura të stërzgjatura, të cilat sipas tij mund të zgjidhen përmes dixhitalizimit të institucioneve.
“E para unë jam inxhinier me profesionin e ndërtimtarisë dhe ballafaqohemi çdo ditë me procedura shumë burokratike që tash ka avancu teknologjia, me pas dixhitalizim me funksionu komuna në formë dixhitale me minsitrinë, jo me u bë një kërkesë prej komunes në ministri e me prit me muaj të tërë për një përgjigjje kur ato munden me u kthy brenda ditës në formë të dixhitalizuar.Shumë e thjeshtë është, por nuk ka vullnet të punohet, ki komuna që kanë marrë inciativa vet për me zhvillu procesin e lejes ndërtimore në formë dixhitale por nuk kanë gjetë asnjëherë përkrahje të ministrisë. Kosova e ka një rini jashtëzakonisht të madhe profesionale, por këta nuk e vlerësojnë profesionalizmin më shumë janë të thirrur në konceptin e vet politik”, tha ai.
Ai premtoi se në Kuvend do të jetë zë i fuqishëm për sektorin privat, duke u angazhuar për uljen e burokracisë dhe bashkëpunim më të madh me odat profesionale dhe ekonomike.
“Unë do jem një zë i fuqishëm në parlamentin e Kosovës, sidomos për sektorin privat në lehtësim të procedurave dhe sa më shumë me shmang burokracinë. Do mundohemi të dhëmë kontribut me odë të inxhinerëve, me odën e arkitetëve, odën ekonomike, bashkëpunim me odën amerikane ekonomike sepse shumica e këtyre odave kanë vullnet jashtëzakonisht të madh për me i ndihmu këto procese në Kosovë, mirëpo te këta nuk kanë gjet bashkëpunim asnjëherë”, vlerësoi ai.
Gega tha gjithashtu se kandidati i PDK-së për kryeministër, Bedri Hamza, është i interesuar t’u japë hapësirë profesionistëve dhe të shtyjë përpara procesin e dixhitalizimit dhe reformave administrative.
“Partia Demokratike e Kosovës, ka dhënë kontribut shumë të madh në zhvillimin e këtij vendi dhe na në diskutime me kryeminstrin në ardhje Bedri Hamza, kemi gjet përkrahje shumë të madhe për me i shty këto procese, vet Hamza është i interesuar që tu jap hapsirë njerëzve të rinjë, profesionist dhe njerëzve me përvojë. Bedri Hamza ka me qenë shumë bashkëpunues në këtë drejtim dhe kemi me bë punë shumë të mëdha te dixhitalizimi i procesve te shmangja e burokracisë”, përfundoi Gega për GazetaBlic.
