Kryetari i Lidhjes Demokratike të Kosovës, Lumir Abdixhiku, ka njoftuar se ditën e sotme kanë mbajtur tubim në Kaçanik, ku edhe kanë prezantuar kandidatët për deputet nga ky qytet dhe për Hanin e Elezit.
Abdixhiku, ka thënë se, po ashtu, kanë prezantuar edhe vizionin e LDK’së për një Kosovë që zhvillohet duke nisur nga familja, xhepi i qytetarit dhe nga mirëqenia e tij.
Postimi:
Sot, në Kaçanik, prezantuam kandidatët tanë për këtë qytet dhe për Hanin e Elezit.
Prezantuam po ashtu dhe vizionin tonë për një Kosovë që zhvillohet duke nisur nga familja, nga xhepi i qytetarit dhe nga mirëqenia e tij. Folëm për programin tonë ekonomik, për mbështetjen ndaj familjeve, rritjen e të ardhurave, investimet kapitale dhe zhvillimin që duhet të ndihet në çdo komunë të vendit – pa dallim.
Në Kaçanik garojmë me kandidatin tonë Korab Krasniqi me numër 106 dhe kandidaten Albana Bunjaku me numër 107. Ndërsa nga Hani i Elezit, garojmë me kandidaten tonë Kimete Kuka Hasallari me numër 39.
The post Abdixhiku nga Kaçaniku: Folëm për programin tonë ekonomik dhe prezantuam vizionin tonë appeared first on Gazeta Express.
