Në katër muaj e parë të vitit, Shqipërinë e vizituan mbi 2.5 milionë të huaj.
Sipas të dhënave nga Instituti i Statistikave, në raport me të njëjtën periudhë kohore të një viti më parë, hyrjet e turistëve nga jashtë janë zgjeruar me 5 për qind.
Gati gjysma e vizitorëve janë nga Kosova teksa ngjashëm me vitin e shkuar, lista pasohet nga italianët e malazezët. Në totalin e turistëve që kanë vizituar vendin në katër muajt e parë të vitit zënë vend edhe pushuesit nga Maqedonia e Veriut, nga Greqia, Anglia, Turqia, Serbia e Polonia, transmeton albinfo.ch.
Ndryshe, prilli rezulton si muaji më i mbarë që nga fillimi i vitit për turizmin pasi vendin rezulton ta kenë vizituar gati 900 mijë të huaj, Në raport me të njëjtin muaj të një viti më parë, shifra është zgjeruar me gati 9 për qind, shkruan A2cnn.
The post Për katër muaj mbi 2.5 milionë turistë vizituan Shqipërinë, gati gjysma nga Kosova appeared first on Gazeta Express.
