Visar Xani, kandidat për deputet i Lidhja Demokratike e Kosovës, tha se mënyra e shpërndarjes së shtesave nga partia në pushtet është absolutisht keqpërdorim elektoral dhe keqpërdorim i fondeve publike.
“Kjo është absolutisht keqpërdorim elektoral, keqpërdorim i fondeve publike, jo ndarja e tyre, por mënyra se qysh janë ndarë. Nuk mundesh me nda ti buxhet pak ditë para zgjedhjeve, madje mundësisht me qëllu me bo transferin e parë të premten dhe të dielën me dal me votu qytetarët e Kosovës”, tha Xani në emisionin “Tempus” në T7.
Gjithashtu, ai tha se nuk e mohon nevojën e qytetarëve, por se qëllimi i Qeverisë është vetëm forcimi i tyre dhe marrja e një numri më të madh të votave.
“E gjithë kjo nuk ka të bëjë për t’i ndihmuar qytetarët, por për të ndihmuar veten, për t’u forcuar dhe për të marrë më shumë vota. Nuk do të thotë që nuk jemi në një moment që kanë nevojë për ndihmë qytetarët, por ndihma vetëm me kalkulim elektoral, kjo është e padrejtë, e pasinqertë dhe keqpërdorim total i buxhetit të vendit”, shtoi Xani.
Po ashtu, ai theksoi se si LDK nuk e kanë në plan t’i ndalin shtesat në momentin që vijnë në pushtet, por ato do të standardizohen dhe do të kenë qartësi në ligj.
The post 100 euro 16 ditë para zgjedhjeve, Xani i LDK-së: Ky është keqpërdorim elektoral, keqpërdorim i fondeve publike appeared first on Gazeta Express.
