Një aksident rrugor është regjistruar në aksin Morinë–Kukës, ku një 43-vjeçare ka humbur kontrollin e automjetit dhe është përplasur me trafikndarësen.
Sipas informacioneve paraprake, gruaja po udhëtonte nga Kosova drejt Shqipërisë me një automjet tip “Volkswagen Polo” me targa shqiptare, kur për arsye ende të paqarta doli nga kontrolli i mjetit.
Menjëherë pas njoftimit, në vendngjarje mbërriti ambulanca e Spitalit Rajonal të Kukësit, e cila i dha ndihmën e parë drejtueses së automjetit.
Më pas, 43-vjeçarja u transportua në spital për kontrolle dhe trajtim mjekësor. Gjendja e saj shëndetësore nuk bëhet e ditur, ndërsa rrethanat e aksidentit janë në verifikim. /oranews
![Zjarr i madh në një port peshkimi në Ekuador, shkatërrohen dhjetëra anije [video]](https://mlu3gxyhanxv.i.optimole.com/cb:4vAy.1c1a/w:330/h:220/q:mauto/rt:fill/g:fp:0.5:0/f:best/https://momenti.info/wp-content/uploads/2026/06/wp-header-logo-417.png "Zjarr i madh në një port peshkimi në Ekuador, shkatërrohen dhjetëra anije [video]"){kind=logo}
