Ka vdekur gruaja e cila ditë më parë mori lëndime të rënda si pasojë e një aksidenti që ndodhi në rrugën Pejë-Klinë, konkretisht në fshatin Jabllanicë e Leshanit.
Mësohet se viktima është A.Bajramaj. Ajo po trajtohej në spitalin e Pejës, ndërsa vdiq në orët e hershme të mëngjesit të sotëm.
Rastin e ka konfirmuar Fadil Gashi, zëdhënës i policisë për rajonin e Pejës.
“Ka qenë duke u trajtuar në spitalin e Pejës. Sot në orët e mëngjesit jemi njoftuar se personi në fjalë ka ndërruar jetë. Trupi i pajetë i viktimës është dërguar në IML për obduksion. Rasti po hetohet”, ka deklaruar Gashi. /klankosova
