Irani ka bërë të ditur se forcat e tij detare kanë ndërhyrë ndaj një anijeje ushtarake amerikane që, sipas autoriteteve iraniane, po i afrohej ujërave territoriale të vendit në Gjirin e Omanit. Agjencia iraniane e lajmeve Tasnim raportoi se anija shërbente si një “qendër komande dhe kontrolli”.
Sipas ushtrisë iraniane, incidenti ndodhi në një periudhë tensionesh të shtuara, pas asaj që Teherani e përshkruan si sulme amerikane ndaj anijeve tregtare iraniane dhe shkelje të rregullave që lidhen me lundrimin në Ngushticën e Hormuzit.
Ndërkohë, ministri i Jashtëm i Iranit, Abbas Araghchi, ka paralajmëruar për pasoja të rënda në rast të një sulmi ndaj Bejrutit.
Në një intervistë për transmetuesin libanez Al-Mayadeen, Araghchi deklaroi se “çdo sulm ndaj Bejrutit do të ketë pasoja serioze” dhe mund të çojë në një përshkallëzim të plotë të konfliktit në rajon.
