Avokati i ish-drejtoreshës së Shërbimit Informativ Shtetëror (SHISH), Vlora Hyseni, është paraqitur mesditën e sotme në Gjykatën e Posaçme, ku ishte paraparë të mbahej seanca gjyqësore ndaj klientes së tij.

Kastriot Selita është parë në ambientet e gjykatës, ndërsa vetë Vlora Hyseni ka refuzuar të paraqitet në seancë, raporton gazetarja e Top Channel, Anila Hoxha.

Seanca ndaj ish-drejtueses së SHISH-it ishte paraparë të mbahej një ditë më parë, por ishte shtyrë për shkak të mungesës së prokurorit.

Kështu, zhvillimi i seancës është shoqëruar me mungesën e të dy palëve në ditë të ndryshme, ndërsa mbetet të shihet se kur do të caktohet vazhdimi i shqyrtimit gjyqësor.

Sinjali – aty ku e vërteta flet para lajmit!

/GazetaSinjali/

Burimi: Sinjali