Vetëm 42% e qytetarëve e konsiderojnë Zvicrën të përgatitur për kriza

Vetëm 42% e qytetarëve e konsiderojnë Zvicrën të përgatitur për kriza

Vetëm 42% e qytetarëve e konsiderojnë Zvicrën të përgatitur për kriza

Vetëm 42% e qytetarëve zviceranë besojnë se vendi i tyre është i përgatitur mirë për përballimin e krizave të mundshme në të ardhmen. Këtë e tregon një studim i publikuar nga Fondacioni Risiko-Dialog, i cili nxjerr në pah shqetësimet e popullsisë për sigurinë dhe gatishmërinë e Zvicrës për situata emergjente.

Sponsor 3M Express

Në anketën ku morën pjesë 1.878 persona të moshës 16 deri në 79 vjeç, rreziku më i madh konsiderohen fatkeqësitë natyrore, për të cilat shqetësohen 59% e të anketuarve.

Pas tyre renditen sulmet kibernetike dhe ndërprerjet e mëdha të sistemeve informatike me 58%, ndërsa 55% shprehin shqetësim për konfliktet gjeopolitike që mund të kenë pasoja për Zvicrën.

Gjithashtu, 40% e qytetarëve druajnë nga një krizë ekonomike, ndërsa 36% shqetësohen për ndërprerjet e furnizimit me produkte dhe mallra të nevojshme, shkruan Watson.

Studimi tregon se edhe përgatitja e familjeve për situata emergjente mbetet e pamjaftueshme.

Rreth 66% e familjeve kanë një kuti me barna në shtëpi, ndërsa 59% kanë rezerva të produkteve higjienike për një javë.

Megjithatë, vetëm rreth një e treta kanë siguruar ushqim dhe ujë të mjaftueshëm për shtatë ditë, ndërsa vetëm 14% kanë diskutuar paraprakisht me familjarët se si duhet të veprojnë në rast krize.

Sipas rezultateve, 13% e të anketuarve nuk kanë marrë asnjë masë paraprake për situata të tilla, transmeton Telegrafi.

Sa i përket besimit në institucionet përgjegjëse për menaxhimin e krizave, policia, zjarrfikësit dhe shërbimet e shpëtimit gëzojnë besimin më të madh të qytetarëve. Në rast të një situate emergjente, rritet edhe besimi te ushtria, mbrojtja civile dhe shërbimi civil, nga 60% në 69%.

Ndërkohë, 69% e qytetarëve deklarojnë se u besojnë njerëzve në lagjen apo fshatin ku jetojnë, duke e vënë në pah rëndësinë e solidaritetit dhe ndihmës së ndërsjellë në raste krizash.

Rezultatet e studimit tregojnë se, pavarësisht besimit në institucionet shtetërore dhe shërbimet emergjente, një pjesë e madhe e popullsisë nuk e konsideron Zvicrën mjaftueshëm të përgatitur për sfidat e ardhshme dhe se gatishmëria për kriza kërkon angazhim si nga institucionet, ashtu edhe nga vetë qytetarët./Telegrafi/

Lexo edhe

Sulm kibernetik edhe në Zvicër, jashtë funksionit rreth 20 aplikacione të administratës

Sulm kibernetik edhe në Zvicër, jashtë funksionit rreth 20 aplikacione të administratës

Drejtoresha e Mirëqenies Sociale në Pejë dëshmon nesër në Komisionin Hetimor për rastin Arlinda Zekaj

Drejtoresha e Mirëqenies Sociale në Pejë dëshmon nesër në Komisionin Hetimor për rastin Arlinda Zekaj

Publikohet orari i xhiros së 14-të në Superligën e Kosovës, derbi të dielën në Suharekë

Publikohet orari i xhiros së 14-të në Superligën e Kosovës, derbi të dielën në Suharekë

Vetëm 42% e qytetarëve e konsiderojnë Zvicrën të përgatitur për kriza | Momenti