Temu nën hetim nga BE-ja, kompania rrezikon gjobë deri në 6% të xhiros globale

Temu nën hetim nga BE-ja, kompania rrezikon gjobë deri në 6% të xhiros globale

Temu nën hetim nga BE-ja, kompania rrezikon gjobë deri në 6% të xhiros globale

Komisioni Evropian ka evidentuar një sërë mangësish në funksionimin e platformës kineze të tregtisë online “Temu”, duke ngritur shqetësime për kontrollet e sigurisë së produkteve, mbikëqyrjen e shitësve dhe masat ndaj atyre që shkelin rregullat.

Sponsor 3M Express

Sipas gjetjeve paraprake të hetimit, platforma nuk kryen verifikime të mjaftueshme për të garantuar sigurinë e produkteve që tregtohen përmes saj. Raportet e testimit kërkohen vetëm për një numër të kufizuar mallrash, ndërsa edhe në rastet kur paraqitet dokumentacioni përkatës, ai shpesh nuk verifikohet. Shqetësim të veçantë paraqesin pajisjet elektronike dhe produktet kozmetike.

Mangësi janë konstatuar edhe në sistemin e moderimit të përmbajtjes. Sipas hetuesve, “Temu” përqendrohet kryesisht në kontrollimin e përshkrimeve dhe informacioneve të publikuara për produktet, pa i kushtuar vëmendje të mjaftueshme sigurisë së vetë mallrave. Po ashtu, numri i moderatorëve njerëzorë nuk është rritur në përputhje me zgjerimin e ofertës së platformës.

Një tjetër shqetësim i Komisionit Evropian lidhet me mënyrën se si “Temu” trajton tregtarët që shkelin rregullat. Sipas gjetjeve, masat ndëshkuese zbatohen kryesisht ndaj dyqaneve dhe jo ndaj shitësve që i zotërojnë ato. Kjo u mundëson tregtarëve të bllokuar të hapin dyqane të reja dhe të vazhdojnë aktivitetin në platformë.

Kompania akuzohet gjithashtu se vonon pezullimin e shitësve që përsërisin shkeljet, duke ngritur pikëpyetje për efektivitetin e mekanizmave të saj të kontrollit.

Kjo procedurë vjen pas një gjobe prej 200 milionë eurosh të shqiptuar ndaj “Temu”-t për shkelje që lidhen me shitjen e produkteve të paligjshme. Në kuadër të veprimeve të mëparshme, Komisioni Evropian i kishte kërkuar platformës edhe një plan veprimi për përmirësimin e kontrolleve, në përputhje me Aktin e Shërbimeve Digjitale të Bashkimit Evropian.

Nga ana tjetër, “Temu” i ka kundërshtuar gjetjet e paraqitura nga Komisioni. Procedura mbetet e hapur dhe kompania ka të drejtë të paraqesë argumentet e saj mbrojtëse përpara se të merret një vendim përfundimtar.

Në rast se shkeljet konfirmohen, platforma kineze rrezikon një gjobë që mund të arrijë deri në 6 për qind të xhiros së saj vjetore globale.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Rama fton Japoninë të investojë në hekurudhën Durrës-Prishtinë: E kam folur edhe me Kurtin

Rama fton Japoninë të investojë në hekurudhën Durrës-Prishtinë: E kam folur edhe me Kurtin

Rama: Shqipëria dhe Kosova do ta mirëprisnin përfshirjen e Japonisë në projektin e hekurudhës Durrës–Prishtinë

Rama: Shqipëria dhe Kosova do ta mirëprisnin përfshirjen e Japonisë në projektin e hekurudhës Durrës–Prishtinë

Eksperti mjeko-ligjor thotë se Epstein mund të jetë vrarë, publikon një analizë mbi foton shqetësuese

Eksperti mjeko-ligjor thotë se Epstein mund të jetë vrarë, publikon një analizë mbi foton shqetësuese