1 nëntori shënon ditëlindjen e komandantit të Ushtrisë Çlirimtare të Kosovës dhe heroit të Kosovës, Zahir Pajazitit.
Ai u lind më 1 nëntor 1962 në fshatin Turuqicë të Podujevës, ndërsa ra heroikisht më 31 janar 1997 në Pestovë të Vushtrrisë. Në atë përballje me forcat serbe, bashkë me të u vranë edhe bashkëluftëtarët Hakif Zejnullahu dhe Edmond Hoxha.
Në 11-vjetorin e rënies së tij, më 31 janar 2008, ish-presidenti i Kosovës, Fatmir Sejdiu, i akordoi Zahir Pajazitit dekoratën më të lartë shtetërore, “Urdhrin Hero i Kosovës”.
Në shenjë nderimi për jetën dhe veprën e tij, sot Komuna e Podujevës, në bashkëpunim me shoqatat e dala nga lufta, organizon ceremoni përkujtimore në Kompleksin Memorial në Orllan.
Përmes kësaj ceremonie, do të nderohet kujtimi i Zahir Pajazitit dhe i bashkëluftëtarëve të tij, të cilët ranë në luftën për çlirimin e Kosovës.
Sinjali – aty ku e vërteta flet para lajmit!
Burimi: Sinjali
