Shaqiri tregon prapaskenat e rikthimit te Baseli

Shaqiri tregon prapaskenat e rikthimit te Baseli

Shaqiri tregon prapaskenat e rikthimit te Baseli

Rikthimi i yllit shqiptar Xherdan Shaqiri te FC Basel në gusht të vitit 2024 kishte qenë një nga lëvizjet më të bujshme në futbollin zviceran, por pas këtij transferimi fshihej një plan i detajuar e i mirëorganizuar për të fshehur gjurmët nga media dhe publiku.

Sponsor 3M Express

Në një rrëfim për faqen zyrtare të klubit zviceran, Shaqiri ka zbuluar strategjinë se si ai dhe ekipi i tij udhëheqës arritën t’i çorientonin plotësisht gazetarët para zyrtarizimit të madh.

Duke përfituar nga spekulimet e shumta për të ardhmen e tij dhe interesimi konkret që kishte ardhur nga Greqia, futbollisti përdori një pistë të rreme për të larguar vëmendjen.

”Ne rezervuam një fluturim dhe dërguam një ose dy gazetarë: ‘Shikoni, kemi rezervuar një fluturim, do të fluturojmë për në Greqi’”, ka treguar Shaqiri me buzëqeshje.

Derisa mediat dhe opinionistët prisnin lëvizjen e tij drejt shtetit helen, në realitet gjërat ishin krejt ndryshe. Shaqiri ishte nisur nga Çikago, por destinacioni i tij final nuk ishte Greqia.

”Në fund, ne përfunduam duke fluturuar për në Zvicër”, ka zbuluar ai.

Kjo taktikë e zgjuar bëri që kthimi i tij sensacional te Baseli të mbetej hermetikisht sekret deri në çastin e fundit, duke i mundësuar atij të zbarkonte në aeroportin e Cyrihut dhe të finalizonte marrëveshjen pa u rënë në sy gazetarëve dhe kamerave.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Marulla kosovare depërton edhe në tregjet e huaja

Marulla kosovare depërton edhe në tregjet e huaja

“Çështja e Hagës s’duhet të konsiderohet monopol i PDK-së”, thotë Jasharaj

“Çështja e Hagës s’duhet të konsiderohet monopol i PDK-së”, thotë Jasharaj

SHBA-ja dhe Venezuela nënshkruajnë marrëveshje ushtarake

SHBA-ja dhe Venezuela nënshkruajnë marrëveshje ushtarake