Këngëtarja shqiptare me famë botërore, Rita Ora, ka zgjedhur të frymëzohet nga legjenda e muzikës country, Dolly Parton, për kostumin e saj të Halloween-it këtë vit.
Ylli 35-vjeçar mori pjesë të premten në festën e organizuar nga The Frankie Shop në New York, ku u shfaq e transformuar në ikonën e muzikës, duke rikrijuar disa nga elementet më karakteristike të pamjes së saj.
Rita kishte zgjedhur një bluzë të shkurtër me dekolte të hapur, ndërsa vëmendjen kryesore e tërhoqi parukja bionde me volum të madh, e frymëzuar nga modeli ikonik i flokëve të Dolly Parton, shkruan Daily Mail.
Paraqitja e këngëtares vjen pas një tjetër momenti ku ajo tërhoqi vëmendje me stilin e saj ekstravagant. Rita u shfaq së fundmi në premierën e filmit “Klara and the Sun”, në Festivalin e Filmit në Londër, përkrah bashkëshortit të saj, Taika Waititi.
Në tapetin e kuq, ajo kishte veshur një fustan të zi prej dantelle, me fund voluminoz dhe një aksesor të pazakontë në formë gjembash në kokë. Gjatë mbrëmjes, këngëtarja u fotografua edhe me aktoret Jenna Ortega dhe Amy Adams.
Sinjali – aty ku e vërteta flet para lajmit!
Burimi: Sinjali
