Rigjykimi i Endrit Nikës për vrasjen e argjentinases Maria Clara Urdangaray vazhdon sot

Rigjykimi i Endrit Nikës për vrasjen e argjentinases Maria Clara Urdangaray vazhdon sot

Rigjykimi i Endrit Nikës për vrasjen e argjentinases Maria Clara Urdangaray vazhdon sot

Gjatë ditës së sotme pritet të vazhdojë seanca e rigjykimit të Endrit Nikës, i cili akuzohet për vrasjen e shtetases argjentinase Maria Clara Urdangaray.

Sponsor 3M Express

Gjykata Themelore në Prishtinë, më 19 shkurt, kishte shpallur aktgjykim dënues ndaj Endrit Nikës, duke e dënuar atë me 18 vjet burgim. Megjithatë, Gjykata e Apelit e ka aprovuar ankesën e mbrojtjes dhe e ka kthyer rastin në rigjykim.

Në seancën e mbajtur më 28 maj 2025, i akuzuari ishte deklaruar i pafajshëm.

Sipas aktakuzës së ngritur më 11 shkurt 2025 nga Prokuroria Themelore në Prishtinë, Endrit Nika akuzohet se më 1 gusht 2023, në një hotel në Fushë-Kosovë, pas një mosmarrëveshjeje paraprake me të dashurën e tij, tashmë të ndjerën M.K-U., fillimisht e kishte goditur atë vazhdimisht dhe kishte tentuar ta shkelte me veturë në vendparkimin jashtë hotelit.

Më pas, pasi ishin futur në hotel dhe në dhomën ku po qëndronin, i pandehuri Nika, me qëllim që ta privonte nga jeta të ndjerën M.K-U., kishte vazhduar përleshjen dhe goditjet ndaj saj, duke e dërguar në qoshe të dhomës, nga ku ajo nuk kishte pasur mundësi të largohej.

Sipas aktakuzës, nga goditjet dhe shtyrjet e të pandehurit, korniza e dritares ishte nxjerrë nga vendi dhe e ndjera ishte hedhur nga dritarja e dhomës së hotelit, e cila ndodhej në katin e gjashtë.

Si pasojë e lëndimeve të marra, edhe përkundër trajtimit mjekësor, ajo kishte ndërruar jetë në Qendrën Klinike Universitare të Kosovës (QKUK).

Me këto veprime, Endrit Nika ngarkohet për kryerjen e veprës penale “Vrasje e rëndë”, nga neni 173, paragrafi 1, pika 1.3, i Kodit Penal.

Burimi: Insajderi

Lexo edhe

Ndahet nga jeta kirurgu pejan, Sefedin Burri

Ndahet nga jeta kirurgu pejan, Sefedin Burri

E dhimbshme: Sot varrosen dy të rinjtë nga Rahoveci që humbën jetën tragjikisht në Gjermani

E dhimbshme: Sot varrosen dy të rinjtë nga Rahoveci që humbën jetën tragjikisht në Gjermani

Opozita kërkoi dorëheqjen e Rizvanollit, Kuvendi miraton masat emergjente për energjinë

Opozita kërkoi dorëheqjen e Rizvanollit, Kuvendi miraton masat emergjente për energjinë