Opozita kërkoi dorëheqjen e Rizvanollit, Kuvendi miraton masat emergjente për energjinë

Opozita kërkoi dorëheqjen e Rizvanollit, Kuvendi miraton masat emergjente për energjinë

Opozita kërkoi dorëheqjen e Rizvanollit, Kuvendi miraton masat emergjente për energjinë

Kuvendi i Kosovës ka miratuar pas mesnatës vendimin e Qeverisë për shpalljen e masave emergjente në furnizimin me energji elektrike, të cilat do të mbeten në fuqi për 60 ditë.

Sponsor 3M Express

Vendimi u miratua me 61 vota për, ndërsa kjo pikë u fut në rendin e ditës përmes një mocioni, gjatë seancës parlamentare që vazhdoi deri në orët e hershme të mëngjesit të së premtes.

Sipas masave të miratuara, ndërmarrja “Ibër-Lepenci” obligohet të prodhojë energji elektrike nga hidrocentrali i Ujmanit, e cila do të shfrytëzohet për konsumatorët që kanë të drejtën e shërbimit universal.

Në kuadër të këtyre masave parashihet edhe themelimi i një Komiteti Teknik Emergjent, i cili do të angazhohet në trajtimin e situatës së krijuar në sektorin energjetik.

Megjithatë, vendimi u kundërshtua nga opozita.

Deputeti i Partisë Demokratike të Kosovës, Eman Rrahmani, kërkoi dorëheqjen e ministres së Ekonomisë, Artane Rizvanolli, duke e konsideruar atë përgjegjëse për krizën energjetike në vend.

Kritika ndaj qasjes së Qeverisë pati edhe deputetja e Lidhjes Demokratike të Kosovës, Janina Ymeri. Ajo kundërshtoi mënyrën se si po menaxhohet sektori i energjisë dhe rregullimi i këtij tregu.

Ndërkohë, gjatë kësaj seance, Kuvendi miratoi në parim edhe Projektligjin për Rregullatorin e Energjisë, me 61 vota për.

Votimi për këtë projektligj u zhvillua rreth orës 00:45, pasi edhe kjo pikë ishte futur në rendin e ditës përmes mocionit.

Gjatë diskutimit, Ymeri kritikoi përmbajtjen e projektligjit, duke pretenduar se tregtarët e energjisë kanë ndikim mbi rregullatorin dhe se ndryshimet ligjore janë bërë vetëm për të përmbushur kërkesat e paketës evropiane.

Me 61 vota për, deputetët miratuan në lexim të parë edhe Projektligjin për Efiçencën e Energjisë. Votimi për këtë pikë përfundoi rreth orës 01:15.

Ndërsa pas orës 02:00, Kuvendi miratoi në lexim të parë edhe Projektligjin për Inspektoratin Qendror të Trashëgimisë Kulturore.

Ky projektligj mori 62 vota për, tetë kundër dhe një abstenim, ndërsa u kundërshtua nga deputetët e Listës Serbe.

Burimi: Insajderi

Lexo edhe

Harry Kane synon triumfin në Ligën e Kampionëve: Bayerni i ka të gjitha për ta fituar trofeun

Harry Kane synon triumfin në Ligën e Kampionëve: Bayerni i ka të gjitha për ta fituar trofeun

Pse zbutësi i rrobave po i dëmton peshqirët dhe si t’i riktheni butësinë e tyre

Pse zbutësi i rrobave po i dëmton peshqirët dhe si t’i riktheni butësinë e tyre

Dita e tretë e qëndrimit në Kosovë, momenti kur Jakup Krasniqi arrin në shtëpi

Dita e tretë e qëndrimit në Kosovë, momenti kur Jakup Krasniqi arrin në shtëpi