Qeveria mban mbledhje, miratohen disa marrëveshje e projektligje

Qeveria mban mbledhje, miratohen disa marrëveshje e projektligje

Qeveria mban mbledhje, miratohen disa marrëveshje e projektligje

Qeveria e Republikës së Kosovës ka ka njoftuar se ka mbajtur mbledhjen e 12-të elektronike, në të cilën ka miratuar disa projektligje, marrëveshje financiare dhe nisma për investime në shëndetësi, energji, ujësjellës dhe menaxhimin e mbeturinave.

Sponsor 3M Express

Në mesin e vendimeve kryesore është miratimi i Projektligjit për ratifikimin e Marrëveshjes së Kredisë me Bankën Evropiane të Investimeve për projektin “Përmirësimi i Pajisjeve Mjekësore dhe Infrastrukturës”.

“Kjo marrëveshje përfshin blerjen e pajisjeve të reja mjekësore, punimet infrastrukturore rehabilituese për instalimin e tyre, ngritjen e Njësisë së Zbatimit të Projektit (NJZP), asistencën teknike dhe trajnimin e ekipeve të inxhinierisë biomjekësore për mirëmbajtjen e këtyre aseteve. Ky projekt është në përputhje të plotë me prioritetet e Qeverisë për reformimin e sektorit të shëndetësisë dhe sigurimin e qasjes shëndetësore cilësore për të gjithë qytetarët” – thuhet në njoftimin e tyre.

Po ashtu, Qeveria miratoi edhe Projektligjin për ratifikimin e marrëveshjes së kredisë me Bankën Zhvillimore të Këshillit të Evropës për projektin “Përmirësimi i Kujdesit Shëndetësor Sekondar dhe Terciar”.

Përmes këtij projekti synohet modernizimi i pajisjeve mjekësore në gjashtë spitale publike, rinovimi i infrastrukturës spitalore dhe përmirësimi i kapaciteteve diagnostikuese dhe trajtuese.

Sipas njoftimit, projekti synon gjithashtu të rrisë qasjen e qytetarëve në shërbime shëndetësore, veçanërisht për familjet me të ardhura të ulëta dhe grupet e cenueshme.

Çka është miratuar tjetër?

– Miratuar Nismën për lidhjen e Marrëveshjes për Grant dhe Zbatim të Projektit ndërmjet Republikës së Kosovës, Kompanisë Rajonale të Ujësjellësit “Prishtina”, si dhe KfW Frankfurt am Main, lidhur me projektin “Zhvillimi Urban i Përshtatur me Klimën – Ujërat e Zeza në Prishtinë”.

– Miratuar Nismën për lidhjen e Marrëveshjes së Grantit ndërmjet Republikës së Kosovës, KOSTT-it, dhe KfW Frankfurt am Main, për projektin “Përmirësimi i Rrjetit të Transmetimit”.

– Miratuar Nismën për lidhjen e Marrëveshjes së Grantit ndërmjet Republikës së Kosovës, Kompanisë për Menaxhimin e Deponive të Mbeturinave në Kosovë, dhe KfW Frankfurt am Main, për projektin “Menaxhimi i Mbetjeve të Ngurta II-IV (Kontributi i BE-së)”.

– Miratuar Nismën për lidhjen e Marrëveshjes së Kredisë ndërmjet Republikës së Kosovës, e përfaqësuar nga Ministria e Financave, dhe Agjencisë Franceze për Zhvillim, për Projektin  “Ndërtimi i Impiantit për Trajtimin e Ujërave të Zeza në Prishtinë”.

– Miratuar Nismën për lidhjen e Marrëveshjes së Grantit ndërmjet Republikës së Kosovës, e përfaqësuar nga Ministria e Financave, dhe Bankës Ndërkombëtare për Rindërtim dhe Zhvillim dhe Asociacionit Ndërkombëtar për Zhvillim, duke vepruar së bashku si Administrator i Komisionit Evropian, për Projektin e Fondit të Kosovës për Efiçiencë të Energjisë.

– Miratuar Kërkesën e Ministrisë së Financave për realizimin e kursimeve dhe ndarjeve buxhetore, sipas tabelave të paraqitura në Aneksin A (Kursimet) dhe Aneksin B (Ndarjet).

– Miratuar kërkesën për ndarjen e mjeteve buxhetore me qëllim të mbulimit të mungesës së mjeteve buxhetore të krijuar si rezultat i alokimit të parakohshëm.

– Miratuar Kërkesën e Ministrisë së Zhvillimit Rajonal, Ministrisë së Mjedisit dhe Planifikimit Hapësinor, Agjencisë së Kosovës për Inteligjencë, Këshillit Prokurorial të Kosovës, dhe Ministrisë së Arsimit dhe Shkencës për transferimin e mjeteve buxhetore deri në 25% të ndarjeve buxhetore të ndikuara negativisht.

Lexo edhe

Dyshohet se Irani urdhëroi atentatin ndaj biznesmenit izraelit në Greqi, katër shqiptarë në pranga

Dyshohet se Irani urdhëroi atentatin ndaj biznesmenit izraelit në Greqi, katër shqiptarë në pranga

FBI paralajmëron për sulme kibernetike në mbarë botën, hakerët po përdorin AI për të depërtuar në sisteme brenda tri orësh

FBI paralajmëron për sulme kibernetike në mbarë botën, hakerët po përdorin AI për të depërtuar në sisteme brenda tri orësh

Tasholli: Specialja mund të quhet “Gjykatë Fashiste”, po përdoret për hesape politike

Tasholli: Specialja mund të quhet “Gjykatë Fashiste”, po përdoret për hesape politike