Qeveria mban mbledhje elektronike, merr disa vendime

Qeveria mban mbledhje elektronike, merr disa vendime

Qeveria mban mbledhje elektronike, merr disa vendime

Qeveria e Kosovës ka mbajtur mbledhjen e 12-të, e cila është zhvilluar në formë elektronike, ku ka miratuar një sërë vendimesh dhe nismash për lidhjen e marrëveshjeve të granteve dhe kredive për projekte të ndryshme.

Sponsor 3M Express

Ndër vendimet e miratuara është edhe nisma për lidhjen e Marrëveshjes për Grant dhe Zbatimin e Projektit ndërmjet Republikës së Kosovës, Kompanisë Rajonale të Ujësjellësit “Prishtina” dhe KfW Frankfurt am Main, për projektin “Zhvillimi Urban i Përshtatur me Klimën – Ujërat e Zeza në Prishtinë”.

Po ashtu, është miratuar nisma për lidhjen e marrëveshjes së kredisë ndërmjet Kosovës dhe Agjencisë Franceze për Zhvillim, për financimin e projektit “Ndërtimi i Impiantit për Trajtimin e Ujërave të Zeza në Prishtinë”.

Në kuadër të kësaj mbledhjeje, Qeveria ka miratuar edhe nismën për lidhjen e marrëveshjes së grantit ndërmjet Kosovës, KOSTT-it dhe KfW Frankfurt am Main, e cila synon përmirësimin e rrjetit të transmetimit të energjisë elektrike.

Një tjetër nismë e miratuar ka të bëjë me lidhjen e marrëveshjes së grantit ndërmjet Republikës së Kosovës, Kompanisë për Menaxhimin e Deponive të Mbeturinave në Kosovë dhe KfW Frankfurt am Main, për projektin “Menaxhimi i Mbetjeve të Ngurta II-IV”.

Në listën e vendimeve të miratuara janë përfshirë edhe:

Projektligji për ratifikimin e Marrëveshjes së Kredisë ndërmjet Republikës së Kosovës dhe Bankës Evropiane të Investimeve për projektin “Përmirësimi i Pajisjeve Mjekësore dhe Infrastrukturës”. Projekti parasheh blerjen e pajisjeve të reja mjekësore, rehabilitimin e infrastrukturës për instalimin e tyre, asistencë teknike dhe trajnimin e ekipeve për mirëmbajtjen e pajisjeve.

Projektligji për ratifikimin e Marrëveshjes së Kredisë ndërmjet Republikës së Kosovës dhe Bankës Zhvillimore të Këshillit të Evropës për projektin “Përmirësimi i Kujdesit Shëndetësor Sekondar dhe Terciar”. Marrëveshja përfshin modernizimin e pajisjeve mjekësore në gjashtë spitale publike, rinovimin e infrastrukturës spitalore dhe përmirësimin e kapaciteteve diagnostikuese e trajtuese.

Nisma për lidhjen e marrëveshjes së grantit ndërmjet Kosovës dhe institucioneve financiare ndërkombëtare, përmes së cilës synohet mbështetja e Fondit të Kosovës për Efiçiencë të Energjisë.

Kërkesa e Ministrisë së Financave për realizimin e kursimeve dhe ndarjeve buxhetore, sipas tabelave të paraqitura në anekset përkatëse.

Kërkesa e Ministrisë së Zhvillimit Rajonal, Ministrisë së Mjedisit dhe Planifikimit Hapësinor, Agjencisë së Kosovës për Inteligjencë, Këshillit Prokurorial të Kosovës dhe Ministrisë së Arsimit dhe Shkencës për transferimin e mjeteve buxhetore deri në 25 për qind të ndarjeve buxhetore të ndikuara negativisht.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Dyshohet se Irani urdhëroi atentatin ndaj biznesmenit izraelit në Greqi, katër shqiptarë në pranga

Dyshohet se Irani urdhëroi atentatin ndaj biznesmenit izraelit në Greqi, katër shqiptarë në pranga

FBI paralajmëron për sulme kibernetike në mbarë botën, hakerët po përdorin AI për të depërtuar në sisteme brenda tri orësh

FBI paralajmëron për sulme kibernetike në mbarë botën, hakerët po përdorin AI për të depërtuar në sisteme brenda tri orësh

Tasholli: Specialja mund të quhet “Gjykatë Fashiste”, po përdoret për hesape politike

Tasholli: Specialja mund të quhet “Gjykatë Fashiste”, po përdoret për hesape politike