PSG-ja përmbys Nice dhe vazhdon të kryesojë në Ligue 1

PSG-ja përmbys Nice dhe vazhdon të kryesojë në Ligue 1

PSG-ja përmbys Nice dhe vazhdon të kryesojë në Ligue 1

PSG-ja ka shënuar fitore me rezultat 3-2 në udhëtim ndaj Nice, në kuadër të javës së 11-të të kampionatit francez, duke vazhduar të kryesojë renditjen në Ligue 1.

Sponsor 3M Express

Skuadra e Luis Enriques e nisi ndeshjen në disavantazh, pasi Nice kaloi në epërsi që në minutën e tetë. Mohamed Amoura përfitoi nga një pasim që çau mbrojtjen parisiene dhe e dërgoi topin në rrjetë për 1-0.

PSG-ja reagoi shpejt dhe në minutën e 30-të fitoi një penallti pas ndërhyrjes së VAR-it, për shkak të prekjes së topit me dorë nga Xavier Mandza. Senny Mayulu u tregua i saktë nga pika e bardhë, duke barazuar shifrat në 1-1.

Vetëm një minutë më vonë, skuadra parisiene e përmbysi rezultatin. Achraf Hakimi dërgoi një top të mirë në zonë, ndërsa Desire Doue e pati të lehtë ta dërgonte në rrjetë për 2-1.

Megjithatë, pjesa e parë u mbyll me shqetësime të mëdha për PSG-në. Në minutën e 44-të, Doue u lëndua pas një dueli me Melvin Diop dhe u detyrua të largohej nga fusha me barelë, në lot. Në vend të tij u aktivizua Ferran Torres.

Në pjesën e dytë, PSG-ja vazhdoi të kërkonte golin e tretë. Hakimi pati një mundësi të mirë në minutën e 61-të, pas një pasimi të Ferran Torresit, por goditja e tij përfundoi ngushtë jashtë portës.

Goli që vulosi fitoren erdhi në minutën e 85-të. Ousmane Dembele shërbeu bukur për Ferran Torresin, i cili tregoi qetësi brenda zonës dhe realizoi për rezultatin 3-1.

Deri në fishkëllimën e fundit të gjyqtarit, Nice ia doli të realizojë edhe golin e dytë përmes Ali Abdi për 3-2, por nuk arritën ta evitonin humbjen./Telegrafi/

Standings provided by Sofascore

Lexo edhe

Vonesat në modernizimin e Kosovës B, rrezikohet prodhimi vendor i energjisë|Video

Vonesat në modernizimin e Kosovës B, rrezikohet prodhimi vendor i energjisë|Video

Ylli mposht sërish Prishtinën, Shabazz shkëlqen me 32 pikë

Ylli mposht sërish Prishtinën, Shabazz shkëlqen me 32 pikë

Shqiponja i del në mbrojtje Zojës, nuk e lejon Anjezën t’i flasë (VIDEO)

Shqiponja i del në mbrojtje Zojës, nuk e lejon Anjezën t’i flasë (VIDEO)