Përmbysje dramatike, Reali arkëton tri pikë ndaj Celta Vigos

Përmbysje dramatike, Reali arkëton tri pikë ndaj Celta Vigos

Përmbysje dramatike, Reali arkëton tri pikë ndaj Celta Vigos

Real Madridi ka arkëtuar tri pikë tejet të rëndësishme pas një përmbysjeje dramatike ndaj Celta Vigos, duke triumfuar me rezultat përfundimtar 2-1 në ndeshjen e vlefshme për Xhiron e 13-të të LaLigës, shkruan Gazeta Sinjali.

Sponsor 3M Express

Edhe pse e mbyllën pjesën e parë në disavantazh dhe shpërdoruan një penallti, “Los Blancos” reaguan fuqishëm në fraksionin e dytë me golat e Jude Bellinghamit dhe zëvendësuesit Carlos Espí, duke e ruajtur epërsinë deri në vërshëllimën e fundit të gjyqtarit.

Mysafirët shtangën stadiumin që në minutën e 6-të, kur Pablo Durán realizoi për 0-1 pas asistimit të Williot Swedbergut. Real Madridi pati mundësinë ideale për të rikthyer baraspeshën në minutën e 38-të, mirëpo Kylian Mbappé dështoi nga pika e bardhë e penalltisë, duke bërë që skuadrat të shkonin në pushim me avantazhin minimal të Celta Vigos.

Në pjesën e dytë, lëvizjet strategjike nga stoli ndryshuan rrjedhën e takimit. Pas trefishit të zëvendësimeve të Real Madridit në minutën e 57-të – ku në fushë u hodhën Vinícius Júnior, Trent Alexander-Arnold dhe Bernardo Silva – madrilenët rritën presionin dhe në minutën e 66-të, Jude Bellingham gjeti golin e barazimit 1-1, i shërbyer saktë nga Kylian Mbappé.

Kur takimi po hynte në minutat e fundit dhe dukej se po shkonte drejt barazimit, në skenë doli Carlos Espí – i cili u aktivizua në minutën e 79-të në vend të Eduardo Camavingës – duke shënuar golin e madh të fitores 2-1 në minutën e 85-të. Në kohën shtesë (90+4’), vetë autori i golit të triumfit u ndëshkua me karton të verdhë, por shifrat nuk ndryshuan më.

Sinjali – aty ku e vërteta flet para lajmit!

/GazetaSinjali/

Burimi: Sinjali

Lexo edhe

Rrahje në një lokal në Prizren, dyshohet për të lënduar

Rrahje në një lokal në Prizren, dyshohet për të lënduar

Goditet rrjeti shqiptar i drogës në Spanjë, 303 kilogramë kokainë zbulohen të fshehura mes mishit të pulës

Goditet rrjeti shqiptar i drogës në Spanjë, 303 kilogramë kokainë zbulohen të fshehura mes mishit të pulës

Blair: Rikthimi në BE, vetëm me kushte

Blair: Rikthimi në BE, vetëm me kushte