Një tjetër goditje për banorët e “Big Brother VIP Kosova 5”. Çmimi i madh i këtij edicioni ka pësuar sërish ulje, duke zbritur në 175 mijë euro pas aktivizimit të alarmit në shtëpinë më të famshme në vend.

Shkak për këtë penalizim janë bërë shkeljet e vazhdueshme të rregullave nga banorët, të cilët në disa raste kanë hequr mikrofonat, madje edhe i kanë hedhur ata.
Aktivizimi i gongut dhe ulja e çmimit të madh pritet të jetë një lajm aspak i këndshëm për konkurrentët, të cilët rrezikojnë të humbasin edhe më shumë nga shuma që do të fitojë fituesi i këtij edicioni.
Kujtojmë se çmimi fillestar i “Big Brother VIP Kosova 5” ishte 200 mijë euro, por pas shkeljeve të mëparshme kishte zbritur fillimisht në 190 mijë euro.
Me penalizimin e fundit, shuma ka rënë në 175 mijë euro, duke bërë që banorët të humbin gjithsej 25 mijë euro nga çmimi i madh. /Telegrafi/
– YouTube youtu.be





