Një pensionist britanik është bërë milioner pasi ka shitur një koleksion kartash Pokemon për 1.56 milion funte (1.8 milion euro), të cilat i kishte mbajtur në papafingo për rreth 15 vjet.

Burri, një ish-piktor shtëpish nga Woking, në Britaninë e Madhe, zbuloi se koleksioni i tij kishte një vlerë të jashtëzakonshme vetëm pasi lexoi një artikull në një gazetë lokale.

Ai shiti një kartë të vetme Pokémon për më shumë se 7100 euro. Ky informacion e shtyu atë të shqyrtonte koleksionin që kishte ruajtur prej vitesh dhe të zbulonte vlerën e tij të vërtetë.

Koleksioni u shit të mërkurën në një ankand të organizuar nga shtëpia e ankandeve Ewbank’s, për shumën prej 1.8 milion euro.

Sipas shtëpisë së ankandeve, kjo shitje përbën rekordin më të madh të arritur ndonjëherë për kartat koleksionuese në historinë e Britanisë së Madhe.

Rasti dëshmon se objektet që mund të duken të zakonshme dhe që qëndrojnë të harruara për vite me radhë mund të fitojnë vlera të jashtëzakonshme, veçanërisht kur bëhet fjalë për artikuj të rrallë që kërkohen nga koleksionistët.

Kartat Pokémon, të lidhura me një prej fenomeneve më të njohura të kulturës pop, janë kthyer ndër vite në artikuj të kërkuar nga koleksionistët, ndërsa disa prej tyre shiten për shuma të mëdha në tregun e ankandeve. /Telegrafi/