Largimi i papritur i Behares nga shtëpia e Big Brother VIP Kosova 5 ka sjellë reagime edhe te banorët e tjerë, ndërsa një prej atyre që u duk më i prekur nga kjo situatë ishte Fuego.

Produksioni njoftoi se Behare Maksutaj është detyruar ta ndërpresë rrugëtimin e saj në këtë format për shkak të një situate të jashtëzakonshme jashtë shtëpisë.

Lajmi u bë i ditur përmes një postimi në faqen zyrtare të spektaklit në Instagram, ku u konfirmua largimi i saj i papritur.

Foto: Screenshot/Instagram

“Një situatë e jashtëzakonshme jashtë, e detyron Beharën ta lërë shtëpinë në këtë moment”, thuhej në njoftimin e produksionit.

Ky zhvillim duket se nuk ishte i lehtë për Fuegon, i cili pas largimit të Behares u shfaq i shqetësuar dhe i tensionuar.

Arsyeja mund të lidhet edhe me afrimitetin që dy banorët kishin krijuar gjatë ditëve të qëndrimit në shtëpi, ku kishin kaluar momente së bashku dhe kishin treguar një raport të afërt.

Ndërkohë, mbetet të shihet se si do të ndikojë kjo ngjarje në lojën dhe raportet e tij me banorët e tjerë, sidomos pas afrimitetit që kishte krijuar me Beharën. /Telegrafi/

– YouTube www.youtube.com